0
0
ಮಂಗಳೂರು: ಕಲಾಸಕ್ತರ ಸಂಭ್ರಮಕ್ಕೆ ಹೊಸ ಹಾದಿ ತೆರೆದಿರುವ ಯುವ ಪ್ರತಿಭೆ ಆಕಾಶ್ ಅಜಿತ್ ಕುಮಾರ್ (ಆಶಿಕಿ) ಅವರು ತಮ್ಮ ಮೊದಲ ಆಲ್ಬಮ್ “Tu Hi Hai” ಮೂಲಕ ಸಂಗೀತ ಪ್ರಪಂಚದಲ್ಲಿ ಪಾದಾರ್ಪಣೆ ಮಾಡಿದ್ದಾರೆ. ಇವರ ಮೊದಲ ಆಲ್ಬಮ್ ಭಾರೀ ಜನಪ್ರಿಯತೆಯನ್ನು ಗಳಿಸಿದ ಬಳಿಕ, ಇದೀಗ ಅವರು ತಮ್ಮ ಎರಡನೇ ಹಾಡನ್ನು ಬಿಡುಗಡೆ ಮಾಡಿದ್ದಾರೆ. ಈ ಹೊಸ ಹಾಡು “ಮನೆ ನೀನೆ ಸಖಿ ” ಪೈಕಿ ಮತ್ತೊಂದು ಆಕಾಶ್ ಅವರ ಪ್ರೀತಿ, ಭಾವನೆ ಹಾಗೂ ಬದುಕಿನ ಚಿತ್ರಣವನ್ನು ಮತ್ತಷ್ಟು ವಿಶಿಷ್ಟವಾಗಿ ಕಾಣಿಸಲು ಸಹಾಯ ಮಾಡಿದೆ.
“ಮನೆ ನೀನೆ ಸಖಿ ” ಹಾಡು, ಪ್ರೀತಿ ಮತ್ತು ಸಂಕಟದ ಅನುಭವಗಳನ್ನು ಮನಮುಟ್ಟುವ ರೀತಿಯಲ್ಲಿ ಕಲ್ಪನೆ ಮಾಡಿದ್ದು, ಅದರ ದೃಷ್ಟಿಕೋನವು ಶುಭ ಮತ್ತು ದುಃಖದ ನಡುವಣ ಅದ್ಭುತ ಸಮನ್ವಯವನ್ನು ಕಂಡುಹಿಡಿಯುತ್ತದೆ. ಆಕರ್ಷಕ ಸಾಹಿತ್ಯ, ಮನಸ್ಸನ್ನು ಸ್ಪರ್ಶಿಸುವ ಸಂಗೀತ ಸಂಯೋಜನೆ ಹಾಗೂ ಆಶಿಕಿಯ (ಆಕಾಶ್ ಅಜಿತ್ ಕುಮಾರ್ ) ಧ್ವನಿ ಈ ಹಾಡಿಗೆ ಹೊಸ ಸ್ಪಂದನೆಯನ್ನು ಕೊಟ್ಟಿದೆ.
ಆಶಿಕಿ ಸ್ವತಃ “ಮನೆ ನೀನೆ ಸಖಿ ” ಹಾಡನ್ನು ಸಂಯೋಜಿಸಿ, ನಿರ್ದೇಶಿಸಿ, ಸಾಹಿತ್ಯ ಬರೆದಿದ್ದಾರೆ. ಈ ಹಾಡಿನಲ್ಲಿ ತಾನು ಕೂಡ ನಟಿಸುತ್ತಿದ್ದು ಅಭಿವ್ಯಕ್ತಿಯಲ್ಲೂ ತಮ್ಮ ಭಾವನೆಗಳನ್ನು ಹಂಚಿಕೊಳ್ಳುತ್ತಿದ್ದಾರೆ.
ಈ ಹಾಡಿನ ರಚನೆ , ಸಂಗೀತ ಗಾಯನ, ಮತ್ತು ವಿಡಿಯೋ ನಿರ್ದೇಶನವನ್ನು ಸ್ವತಃ ಆಕಾಶ್ (ಆಶಿಕಿ) ಮಾಡಿದ್ದಾರೆ. ದೃಶ್ಯಪ್ರವರ್ಧನೆ (DOP ) ವೈಶಕ್ ಎಸ್, ಆಲ್ಬಮ್ ಸಾಂಗ್ ನಲ್ಲಿ
ಯುವ ಕಲಾವಿದರಾದ ಕಾರ್ತಿಕ್ ಶೆಟ್ಟಿ, ಅರುಂಧತಿ ಹೆಗ್ಡೆ ಅಭಿನಯಿಸಿದ್ದಾರೆ.
ಸಂಗೀತ ಅರೆಂಜ್ಮೆಂಟ್ ರಸೆಲ್ ರೋಡ್ರಿಗ್ಸ್, ವೋಕಲ್ ರೆಕಾರ್ಡಿಂಗ್ ನಲ್ಲಿ ಆರ್.ಡಿ. ಸ್ಟುಡಿಯೋ,ಆಡಿಯೋ ಎಂಜಿನಿಯರ್ ಆಗಿ ದೀಪಕ್ ಪಿಂಟೋ, ಮಿಕ್ಸ್ ಮತ್ತು ಮಾಸ್ಟರ್ ಶಿನೋಯ್ ಜೋಸೆಫ್,
ಹಿನ್ನೆಲೆ ಧ್ವನಿ ಶೈಲಾಶ್ರೀ ಮುಲ್ಕಿ,. ಡ್ರೋನ್ ನಲ್ಲಿ ರಾಹುಲ್ ಪೂಜಾರಿ,
ಎಡಿಟರ್ ಸುಜಯ್ ಶಿವರಾಮ್
ಡಿ.ಐ (ಡಿಜಿಟಲ್ ಇಮೇಜಿಂಗ್) ರಾಹುಲ್ ವಸಿಷ್ಠ, ಸಹ ಕಲಾವಿದರಾಗಿ ತುಳಸಿದಾಸ್ ಉರ್ವಾ, ಕವಿತಾ ಪಟ್ರಮೆ, ಸತೀಶ್ ಕೋಟ್ಯಾನ್ ಬೈಕಂಪಾಡಿ, ನೇಹಾ, ಜಾನ್ಹವಿ ಮುಲ್ಕಿ ಅಭಿನಯಿಸಿದ್ದಾರೆ.
ಈ ಆಲ್ಬಮ್, ಸಾಮಾಜಿಕ ಮಾಧ್ಯಮಗಳಲ್ಲಿ ಹಾಗೂ ಸಂಗೀತ ಅಪ್ಲಿಕೇಶನ್‌ಗಳಲ್ಲಿ ಬಿಡುಗಡೆಗೊಂಡಿದ್ದು, ಪ್ರೇಕ್ಷಕರಿಂದ ಮೆಚ್ಚುಗೆ ಪಡೆಯುತ್ತಿದೆ.
ಇದೀಗ ಆಕಾಶ್ ತಮ್ಮ ಸಂಗೀತ ಪಯಣವನ್ನು ತುಳು ಚಿತ್ರರಂಗದಲ್ಲಿ ಹೊತ್ತೊಯ್ಯಲು ತಯಾರಾಗಿದ್ದಾರೆ.
“ಈ ಪ್ರಯಾಣವು ನನ್ನ ಕಲೆಯನ್ನು ಮತ್ತಷ್ಟು ಪರಿಪೂರ್ಣಗೊಳಿಸಲು ನನಗೆ ಅನೇಕ ಅವಕಾಶಗಳನ್ನು ನೀಡುತ್ತಿದೆ. ತುಳು ಚಿತ್ರರಂಗದಲ್ಲಿ ಗಾಯಕನಾಗಿ ನನ್ನ ಪ್ರಯಾಣವು ನನ್ನ ಆತ್ಮವಿಶ್ವಾಸವನ್ನು ಮತ್ತಷ್ಟು ಬೆಳೆಸಿದೆಯೆಂದು ನಾನು ಭಾವಿಸುತ್ತೇನೆ,” ಎಂದು ಆಕಾಶ್ ತಮ್ಮ ಭಾವನೆಗಳನ್ನು ಹಂಚಿಕೊಂಡಿದ್ದಾರೆ.
ಅವರು ತಲುಪಿದ ಪ್ರತಿಯೊಂದು ಹಂತವೂ ಅವರಿಗೊಂದು ಹೊಸ ಚಿಂತನೆ ಮತ್ತು ಕಲಾ ಸೃಷ್ಟಿಯ ಹೊಸ ಆವಿಷ್ಕಾರವನ್ನು ನೀಡುತ್ತಿದೆ.
